Kummenti inizjali dwar Jum l-OFS mill-Fraternitajiet

Kumment mill-Fraternita ta' B'kara

Bħala Fraternita ta' B'Kara, l-aħwa kollha kemm aħna ltqajna biex niċċelebraw l-Ewkaristija flimkien mal-komunita li tattendi kull nhar ta' Ħadd fil-quddiesa tad-09.30a.m. Aħna ħadna ħsieb tal-qari kif ukoll tellajna l-offerti u għamilna wkoll ringrazzjament speċjali bit-tema fuq l-Ordni Franġiskan Sekular. Għalkemm l-Assistent tagħna ma setgħax jattendi, wara li ċ-ċelebrant għamel spjega tal-Vanġelu, kompla espanda fuq l-O.F.S. u għaqqad il-ħsieb ma' l-Ordni tagħna. Verament għamel erbgħa kelmiet tajba. Mhux li kien kulħadd jgħamel l-istess! OFS B'Kara - Ministru Nazzjonali

Kummenti mill-Fraternita tal Kalkara
Jum l-OFS ġie osservat illum fil-fraternita tagħna permess ta' quddiesa fl-10.00am li kienet ikkonċelebrata minn Fr. Hayden, l-Assistent Spiritwali tagħna u Gwardjan tal-Kommunita' Franġiskana Kapuċċina. Fl-ispjega ta' l-Vanġelu, beda billi spjega l-għemil taż-żewġ żgħażagħ u pparaguna l-għemil ta' dawn it-tnejn ma dak ta' Missierna San Franġisk u l-mod kif obdgħa s-sejħa tal-Mulej. Fil-qosor spjega t-twaqqif tat-Tlett Ordnijiet b'enfasi fuq l-Ordni Sekular. Tlajna fuq l-artal ħames membri li fil-qosor għidna l-esperjenza tagħna u x'tfisser għalina l-OFS. Għalkemm ma kienx hemm kwantitia ta' membri pero l-attendenza kienet raġonevoli. OFS - Kalkara - Ministru

Il-Hadd 28 ta' Settembru 2008, l-quddiesa ta' l-ghaxra ta' fil-għodu giet iċċelebrata mill-Assistent Spiritwali tal-Fraternita tal-Kalkara, Fr. Hayden Williams, fi knisja ippakjata bin-nies, fl-Omelija tiegħu għamel bosta riferenzi għall-OFS u l-ħidma tagħhom. Waqt l-Omelija stess tellgħa ħames t'aħwa mill-OFS li taw esperjenzi personali qosra. Fl-aħħar tal-quddiesa Fr.Hayden ukoll stieden biex javviċinawna dawk li jixtiequ jsiru jafu iżjed, dwar dan l-Ordni Franġiskan Sekular. OFS Kalkara - Segretarju

Fil-Kalkara Jum l-OFS gie iċċelebrat b'mod eċċellenti. Ma setax jgħamilha aħjar Fr. Hayden. Mill-vanġelu mexxa l-omelija lejn l-OFS u wara spjega vera eċċellenti ħareġ ħamsa minnha biex jgħatu xhieda. Jien kont wara tal-knisja biex nara r-reazzjoni u nista ngħid li knisja ippakkjata nies semgħet u semgħet b’attenzjoni kbira. Wara l-omelija Fr Hayden fl-aħħar tal-quddiesa reġa għamel appell dirett u ċar daqs il-kristall għall min irid jissieħeb maghna. Nittama li Alla jtina frott sabiħ ta' din il-Gurnata. Vera għandna għax nirringrazzjawh.
OFS Kalkara - membru-K. I.

Kumment mill-Fraternita ta San Gwann
Fil-knisja tal-Kapuċċini ta' San Gwann is-Segretarja tal-Fraternita għamlet ħames minuti tkellem lin-nies dwar l-OFS qabel il-quddiesa ta' l-għaxra ta' filgħodu. Ghalkemm xtaqet li jmur xi ħadd jgħati xhieda f'kull quddiesa ma hemmx b'min taħdem. OFS San Gwann - Seġretarja

San Franġisk il-Belt
Il-Belt fil-quddies kollu sar appell biex min irid jissieħeb fl-Ordni tagħna kif ukoll f'kull Omelija żiedu magħha xi tagħrif fuq l-OFS.

O.F.S. Ghajn Dwieli.
Il-Quddiesa tal-Ħadd tad-9a.m. kienet dedikata għall-O.F.S. Kwazi il-membri kollha attendew għaliha u ħadu sehem attiv bil-qari tal-Liturgija u telgħu wkoll bl-offerti. Kien l-Assistent li qaddes u għamel omelija fuq kif San Franġisk waqqaf dan l-Ordni. Spjega wkoll f'hiex jikkonsisti u x-inhuma d-dmirijiet tal-membri. Huwa ħeġġeġ biex iżjed nies jingħaqdu f'dan l-ordni. OFS Ghajn Dwieli - Segretarja

OFS – Victoria, Għawdex
Għalkemm Jum l-OFS kien il-Ħadd, wara l-quddiesa tas-Sibt filgħaxija tqassmu xi leaflets dwar l-OFS lin-nies li kienu ħerġin mill-knisja.
Fil-quddies tal-Ħadd, imbagħad, saret referenza għat-Tielet Ordni Franġiskan, speċjalment fil-quddiesa tad-9.00 a.m. Kemm l-animatur fl-introduzzjoni tal-quddiesa tad-9.00 a.m. kif ukoll iċ-ċelebrant fl-omelija tkellmu dwar l-OFS, l-istorja u rwol tiegħu. Sar appell biex iktar nies jingħaqdu ma’ l-OFS. Membri ta’ l-OfS ħadu sehem attiv fil-quddiesa billi kienu responsabbli ta’ l-animazzjoni u qari fil-quddiesa u billi wasslu l-offerti fuq l-altar. Fil-ħin tat-talb tal-fidili, żdiedet talba speċjali għall-OFS u l-membri ħajjin u mejtin ta’ l-Ordni. Fl-aħħar tal-quddiesa tqassmu aktar leaflets dwar l-OFS. OFS Ghawdex - Direttur tal-Formazzjoni

OFS Rabat
Il-Ħadd, il-ġurnata ta' l-OFS, għaddejnija billi f'kull Quddiesa saret
omelija fuq l-Ordni Franġiskan Sekular u l-leaflets, ħaduhom ħafna.
Nittamaw li jkollna Rizultati. OFS Rabat

Jum l-Ordni Franġiskan Sekular

Illum fil-Knejjes Franġiskani ġo Malta u Għawdex qed jiġi ċċelebrat għall-ewwel darba Jum l-O. F. S. Jiġifieri jum l-Ordni Franġiskan Sekular. Dan qed jiġi mxandar permess ta’ Omeliji fil-quddies, b’poster, fuq “Jum il- Mulej”, fil-media u bl- leaflet lill min hu nteressat jista jieħu.
L-Ordni Franġiskan Sekular hu mifrux mad-dinja kollha u għadu qed jinfirex. Għandu madwar 400,000 membru u ġie mwaqqaf minn San Franġisk innifsu. Ilhu presenti fil-knisja għall-800 sena u huwa r-risposta ghal min irid jgħix il-ħajja nisranija aktar aħjar, aktar fil-fond. Issibu kull fejn hemm il-Franġiskani.
Jekk int wieħed minn dawk li dħalt f’dan is-site minħabba li rajt l-isem tal-blogspot u xtaqt tkun taf aktar nistiednek tgħamel kuntatt magħna billi billi tgħafas hawn jew mal-bordura tal-poster u tina l-email u l-lokalita fejn toqgħod. B’hekk inkunu nistgħu nikkuntattjawk aħna, nwieġbu l-mistoqsijiet tiegħek, ngħidulek fejn u meta jsiru l-laqgħat fl-eqreb fraternita u ntuk l-isem tal-Ministru tal-Fraternita li se jkun jaf bik, jilqek u jgħatik l-informazzjoni li trid bla ebda rbit. Qiegħed pass il-boghod minnha - ghafas il-poster. Narawk.

Jum l-OFS

Il-Kunsill Nazzjonli qed iħabrek kemm jista biex jiġi iċċelebrat jum l-OFS il-Ħadd 28ta' Settembru 2008, qabel il-Festa ta’ San Frangisk. Dan se jsir f’kull knisja Franġiskana f’Malta u Għawdex. Dak inhar l-omelija ta’ kull quddiesa tiġi ndirizzata dwar l-Ordni u l-missjoni tiegħu bl-għan li tħajjar kemm jista jkun aktar nies isiru jafu dwaru.
Il-provinċiali tat-tlett obbidienzi kif ukoll l-assistenti spiritwali tal-Fraternitajiet qed jiġu avviċinati għal dan il-għan. Il-Kunsill ħejja ukoll Poster u fuljett li jidrhu hawn taħt biex jiġu mqassma f’kull Knisja Franġiskana. Jum l-OFS se jkun mxandar f'Jum il-Mulej u fuq il Media

Il-fuljett minn barra

minn ġewwa

il-Poster


Il-membri kollha huma mħeġġa jgħaddu l-kelma u jaħdmu biex Jum l-OFS iservi biex isir mgħaruf u jikber l-Ordni Franġiskan Sekular

għal aktar ara SFO Day Jum L-OFS mill-Ministru
Omelija

Zur il-Porzjunkola u l-post fejn miet San Frangisk

2 TA’ AWWISSU: FESTA TAL-VERĠNI MQADDSA MARIJA TAL-PORZJUNKOLA

IL-MAĦFRA “KBIRA” TA’ SAN FRANĠISK T’ASSISI

Missierna San Franġisk kellu mħabba speċjali lejn il-Verġni Mqaddsa u għalhekk kellu ħafna għal-qalbu il-kappella ta’ Santa Marija ta’ l-Anġli, magħrufa bħala “Porzjunkola” (li bit-Taljan ta’ dak iż-żmien kienet tfisser ‘sehem żgħir’), li hu kien sewwa b’idejh stess. Kien f’dan il-post li waqqaf l-Ordni ta’ l-Aħwa ż-Żgħar, inawgura l-Ordni tal-Klarissi u temm il-vjaġġ tiegħu fuq din l-art b’mewta qaddisa.
F’jum sajfi ta’ 1216, Franġisku, flimkien ma’ Fra Masseo, telaq lejn Peruġja, fejn kien qiegħed joqgħod il-Papa, u qallu,
“Il-bieraħ kelli dehra ta’ Kristu flimkien ma’ Ommu Marija imdawwrin bl-Anġli tas-sema ġewwa l-Kappella ta’ Santa Marija ta’ l-Anġli. Hemmhekk il-Mulej qalli, ‘Franġisku, itlobni dak li trid għall-glorja t’Alla u l-fidwa tal-bnedmin.’
Il-Qaddis irrispondih, “Mulej, nitolbok, bl-interċessjoni tal-Verġni Mqaddsa, Avukata tal-bnedmin kollha, u li tinsab hawn, li tagħti indulġenza lil kull min iżur din il-Knisja.”
Il-Verġni mqaddsa baxxiet rasha quddiem Binha biex turi li di kit-talbet kienet tagħha wkoll, u t-talba tagħha ġiet milquha. Ġesù, mbagħad, qal lil Franġisku biex imur Peruġja biex jikseb dak li xtaq mingħand il-Papa.
Malli sab ruħu fil-preżenza tal-Papa Onorju III, Franġisku qallu, “Ftit taż-żmien ilu, sewwejt Knisja ddedikata lil Marija, l-Imqaddsa Omm Alla. Jiena ġejt għandek biex nitlob li kull min iżur din il-Knisja fil-jum li ġiet ikkonsagrata, ikun jista’ jikseb indulġenza mingħajr il-ħlas ta’ ebda offerta.”
Il-Papa qallu, “U għal kemm il-sena trid li tingħata din l-indulġenza? Sena? Tlett snin?”
“Missier Qaddis, x’inhuma tlett snin?”
“Tridha għal sitta? Jew anki sebgħa snin?”
“Jiena mhux snin nixtieq, iżda erwieħ!”
“X’jiġifieri, ‘erwieħ’?”
“Irrid ngħid li kull min jidħol f’din il-Knisja, wara li jkun qerr u jieħu l-assoluzzjoni, jirċievi l-maħfra ta’ dnubietu kollha, kemm il-ħtija, fik ukoll il-piena.”
“Iżda qatt għadha ma ngħatat ħaġa bħal din!”
“Missier Qaddis! Mhux qiegħed nitkellem hekk min rajja, iżda ghaliex bgħatni l-Mulej Ġesù!”
“Mela fl-Isem tal-Mulej, ħa jsir kif tixtieq inti, jiena nagħtihielek għal dejjem, iżda darba fis-sena biss, jiġifieri mill-ewwel Għasar sa l-Għasar tal-Festa.
(Armstrong, Regis A., FRANCIS OF ASSISI- THE PROPHET, Vol III, p.806- 812.
FONTI FRANCESCANE)

Hekk ingħatat din l’Indulġenza; iżda l-Papiet ta’ wara żieduha. Taw, mhux biss dak li kien talab San Franġisk għall-Knisja ta’ Santa Marija ta’ l-Anġli – jiġifieri kuljum – iżda kabbruha wkoll! Tant li llum m’hemmx bżonn li wieħed imur f’din il-Knisja ġewwa Assisi biex jikseb din l-Indulġenza, għaliex jista jiksibha f’kull Knisja Franġiskana u f’kull Knisja Parrokkjali.
________________________________
KUNDIZZJONIJIET BIEX TIKSEB IL-“MAĦFRA L-KBIRA” TA’ ASSISI:
Biex tinkiseb din l-Indulġenza Plenarja, wieħed għandu:

1. Iżur Knisja Franġiskana jew Knisja Parrokkjali minn-Nofsinhar tat-Tnejn, 1 t’Awwissu sa Nofs il-Lejl tat-Tlieta, 2 t’Awwissu;
2. Fiha jitlob “Missierna”, Kredu u Talba oħra skond l-intenzjoni tal-Papa (per eżempju Pater, Ave Glorja);
3. Jersqu għall-Qrar u t-Tqarbin matul dawn il-jumejn (jew ftit ġranet qabel jew wara).


X’INHI L-INDULĠENZA
1471 “L-indulġenza hi l-maħfra quddiem Alla tal-piena taż-żmien li kienet tistħoqq minħabba dnubiet li tagħhom ġa tħassret il-ħtija. Maħfra li n-nisrani b’dispożizzjoni tajba jikseb taħt ċerti kundizzjonijiet determinati, permezz tal-ħidma tal-Knisja li, bħala dispensatriċi tal-fidwa, tqassam u tapplika bl-awtorità tagħha t-teżor tal-merti ta’ Kristu u tal-qaddisin”.
“L-indulġenzi huma parzjali jew plenarji skond jekk jeħilsux parti mill-piena taż-żmien li kienet tistħoqq għad-dnubiet jew ineħħuha kollha”. L-indulġenzi jistgħu jintrebħu kemm għall-ħajjin u kemm għall-mejtin. (Katekiżmu tal- Knisja Kattolika, Nu. 1471)

IL-PWIENI TAD-DNUB
Katekiżmu tal-Knisja Kattolika, N°1472 Biex nifhmu din id-duttrina u din id-drawwa tal-Knisja għandna nkunu nafu li d-dnub iġib miegħu żewġ konsegwenzi. Id-dnub il-mejjet itellfilna l-għaqda ma’ Alla, u għalhekk ma nkunux nistgħu niksbu l-ħajja ta’ dejjem, u ċ-ċaħda ta’ din il-ħajja tissejjaħ “il-piena ta’ dejjem” tad-dnub. Minn-naħa l-oħra kull dnub, ukoll dnub venjali, iġib miegħu rabta ħażina mal-ħlejjaq, u minn din ir-rabta wieħed irid jitfejjaq jew f’din id-dinja, jew wara l-mewt fi stat li nsejħulu l-Purgatorju. Din it-tisfija teħles minn dik li nsejħulha “l-piena taż-żmien” mistħoqqa għad-dnub: Dawn iż-żewġ pwieni ma għandniex inqisuhom xi vendetta fuqna minn-naħa ta’ Alla, imma huma pwieni li joħorġu min-natura stess tad-dnub. Sogħba u konverżjoni li jkunu gejjin minn imħabba kollha ħeġġa jaslu biex jeħilsu għal kollox il-midneb, hekk li ma jkollux ebda, piena xi jnallas.. ""

1473 Il-maħfra tad-dnub u l-ħbiberija mill-ġdid ma’ Alla jġibu magħhom ukoll il-maħfra tal-piena ta’ dejjem għad-dnub. Iżda l-pwieni taż-żmien jibqgħu. In-nisrani għalhekk għandu jħabrek biex huwa u jilqa’ bis-sabar kollu t-tbatijiet u tiġrib tal-ħajja ta’ kull jum, meta jasal il-waqt, jersaq bla biża’ lejn il-mewt; għandu jħabrek biex b’għemejjel ta’ ħniena u ta’ mħabba, flimkien mat-talb u mal-ħafna suriet ta’ penitenza, jinza’ għal kollox mill-“bniedem il-qadim” u jilbes “il-bniedem il-ġdid” (ara Ef 4,24).

Rigward membri mhux attivi

Il-passi li ghandhom jittiehdu, fil-qosor, dwar dawk il-membri li mhux attivi.


1. Araw min huma dawk li ma jigux, u kemm ilhom il-boghod mill-hajja tal-Fraternita w ghal liema raguni
2. F’kas ta’ ragunijiet mhux gustifikati, iddisku dan mal-ahwa fl-laqgha special tal-Kunsill wara li taqraw l-artikli li ghandhom x’jaqsmu fir-regola (nu 23) u fil-Kostituzzjonijiet (artikli 56 - 59)
3. Wara li tistudjaw ir-regoli taghna, il-Minister u l-Assistant Spiritwali jridu jniedu djalogu fratern mal-membru, u jippruvaw jigbduh lura lejn il-Fraternita.
4. Nizzlu r-rizultati tad-djalogu fil-minuti tal-laqgha tal-Kunsill.
5. Wara li jghaddi z-zmien mholli ghall-membru biex jerga lura fil-Fraternita, jekk dan ma jkunx beda jiehu sehem normali fil-hajja tal-Fraternita jasal iz-zmien biex:
(a) Issir zjara lill-persun koncernata biex jigi muri lilhu kif tinkiteb talba ghall-irtirar temporanju mill-Fraternita
(b) Jigi spjegat lill-persuna koncernata li wara z-zmien miftiehem (jew anki qabel) tista titlob biex terga tidhol billi tibghat talba bil-miktub lill-Minister. Ghejnuha kif tiktibha meta jasal il-waqt.
(c) Fil-laqgha straordinarja tal-Kunsill (ghall-dan il-ghan), nizzlu l-passi kollha li ttiehdu kif ukoll id-decizzjonijiet li ntlahqu
(d) Ibghatu d-decizzjoni tal-Kunsill tal-Fraternita lill-Persuna koncernata b’ittra rregistrata li notifika tal-konsegna tinghata
(e) Zomm in-notifika li l-persuna rcevieta flimkien mal-kopji ta’ l-ittri, fil-file tal-membru fejn id-dokumenti kollha tal-kas ghandhom jinzammu.


6. Jekk il-membru jkun talab ghall-rtirar temporanju u mbghad ma jirritornax fil-hajja tal-Fraternita, il-Kunsill tal-Fraternita jista japplika artiklu 56.2 tal-Kostituzzjonijiet Generali u jiddeciedi fuq sospensjoni.
7. F’kas ta’ rtirar volontarju u definitive mill-Ordni, il-Kunsill lokali jrid jibghat lill-Ministru, ta’ livell ghola, kopja tal-minuti tal-laqgha w l-korrispondenza relatata mal-kas.
8. Il-Fraternita trid tnizzel dawn il-kazi specifici fil-minuti tal-laqghat tal-Kunsill. Id-dokumenti relatati ta kull kas individwali jridu jigu mdahhla fil-file personali ta dak il-membru.

(mehud mic-cirkulari tal-Presidenza Ciofs numru 18/02-08)

Minuti importanti tal-laqgha mal-Ministri, Segretarji u Ekonomi fis 26 ta' April

Minuti tal-laqgha tas-26 ta’ April 2008 dwar ic-cirkolarijiet tal-Presidenza numru 64/02-08 rigward il- Kapitlu Generali, circulari 65/02-08 dwar is-Survey Demografiku u cirkulari 63/02-08 dwar pagamenti dovuti lic-Ciofs li waqaw lura.
Attendew ghall-laqgha minn-nahha tal-Kunsill Nazzjonali.
Pierre Eugine Buttigieg – Vici Ministru li fl-assenza tal-Ministru Nazzjonali mexxa l-laqgha
Charles Grech - Kunsillier Internazzjonali li kien il-kelliemi ewlieni .
Joe Caruana – Segretarju Nazzjonali
Franca Zammit - Ekonoma
Emanuel Vella – Membru
Pietru Pawl Abela – Membru
Fr. Godfrey Zarb – Ofm Cap – Assistant Spiritwali

Ministri, segretarji u kaxxiera mill-kunsilli tal-fraternitajiet lokali attendew, fosthom zewg rapprezentanti mill-fraternita l-gdida tal-Imsida li bhal issa ghaddejja minn zmien ta’ formazzjoni.
Il-Laqgha bdiet b’talba mill-Vici Ministru u s-suggett gie immediatament introdott mill-Kunsillier Internazzjonali – Chalie Grech
Kopja tad-dokument tal-Kapitlu Generali, talba ghall--Kapitlu Generali u “busness card” bl’indirizz tas-site eletroniku tal-Kunsill Nazzjonali, numri tat-telephone ghall-kuntatt kif ukoll tad-diversi membri tal-kunsill gew imqassma lil kull Fraternita. Il-“card” giet mahsuba biex issahhah ir-rabta bejn il-membri tal-Kunsilli tal-fraternitajiet lokali ma dawk Nazzjonali.
Wara spjega qasira fuq il-bzonn u l-vantaggi li jkollok dan is-sit elettroniku bhala mezz biex isahhah il-komunikazzjoni u jservi ta access malajr ghall-dokumenti, cirkularijiet, materjal ta’ formazzjoni, ahbarijiet u taghrif iehor. I-ufficjali tal-fraternitajiet gew imhegga biex ihajru membri li ghandhom access ghall-internet biex jaghmlu uzu minn dan is-sit ta’ spiss, jinkitbu fil-mailing lists u jirrapurtaw direttivi u ahbarijiet important li jsibu lill-fraternitajiet taghhom.
Summarju tal-kontenut tac-cirkularijiet msemija hawn fuq u tad-dokument tal-kapitlu gie mbghad mghoti. Dawn id-dokumenti tpoggew fuq is-sit eletroniku wfficjali gimgha qabel biex jigu kkunslultati u t-tpoggija taghhom giet ikkomunikata lill-dawk koncernati biex ikunu ppreparati ghal-laqgha. Kull punt important f’dawn id-dokumenti gie mfisser fid-dettal. L-obligazzjoni morali fl’ghadd tal-membri attivi u l-ghoti minghajr dewmien tal-kontribuzzjonijiet annuali lill-Presidenza w l-kunsill Nazzjonali gew mishuqa ghall-darba, darbtejn. Il-fraternitajiet gew mhegga biex jibdew dibattiti repetuti fuq it-tema tal-Kapitlu biex ideat validi u ta’ qwalita jigu migbura u mibuta lill-Kunsill Nazzjonali halli wara li jigu studjati u ohrajn mizjuda maghhom, jigu pprezentati mill-Kunsillier Internazzjonali biex jigu dibattuti fil-kapitlu Generali.
Mid-diskussjoni li bdiet u li fiha hadu sehem dawk kollha prezenti qbilna li
1. It-talba tal-Kapitlu Generali ghandha tinghad f’kull laqgha ta’ kull-fraternita sad-data ta’ tmiem il-kapitlu.
2. Novizzi kellhom jigu mdahhla fil-hlasijiet li jintbghatu lill-Fraternita’ Internazzjonali u l-fraternitajiet kellhom jirrevedu l-lista’ tal-membri u l-pagamenti f’dan is-sens.
3. Rigward l-anzjani li ma jattendux minhabba l-eta’ u mard serju, il-fraternitajiet kellhom johorgu sehemhom.
4. Dawk il-membri professi li ma kinux interessati li jkomplu kellhom jigu mnizzla mhux attivi u l-ebda kontribuzzjoni ma tkun dovuta’ ghalihom.
5. Dawk il-membri profess li jhallsu kull sena imma ma jattendu qatt il-laqghat tal-fraternita, ghax li jinteresshom hu dfin fl-oqbra tal-fraternita, jigu rrapurtati mhux attivi. Jithallielhom id-dritt ghad-dfin fil-qobra kif jixtiequ meta jasal il-waqt u l-hlas taghhom imur biex itaffi l-pis li l-fraternita jkollha minhabba l-hlas ta’ dawk anzjani u morda.
6. Biex jinqatghu diffikultajiet u dewmien zejjed il-fraternitajiet ghandhom jibghatu l-kontribuzzjonijiet fil-bidu tas-sena mill-fondi tal-fraternita’ jew mill-gbir li jsir waqt il-laqghat. In-numru ghandu jkun ibbazat fuq dak li l-kunsill tal-fraternita’ moralment ihoss ikunu (a) il-membri attivi attwali (b) membri godda(Novizzi) u (c) dawk li kienu attivi imma issa genwinament morda u xjuh li l-kundizzjoni ta’ sahhithom ma thallijhomx jattendu ghall-laqghat tal-fraternita.
7. Il-Ministru ta’ Maria Regina se jipprova hallas il-kontribuzzjoni li ma thallsux ta’ 2007 mill-ftit fondi tal-Fraternita
8. Il-mewt ta’ membri ta’ O.F.S. ghanda tigi rrapurtat lis-Segretarju tal-Kunsill Nazzjonali u tinghata d-data. Imbghad din l-informazzjoni tigi moghtija lill-Kunsillier Internazzjonali biex tigi aggornata d-data base li fuqha tinhadem id-demographic survey.
9. Fuq spunt li nqala li d-Dokument tal-Kapitlu ghandu jkun mghoti bil-malti, qbilna li traduzzjoni bil-Malti ta’ dan id-dokument kellha tigi mibghata lill-fraternitajiet kollha, kemm jista’ jkun malajr. Madankollhu l-assenza ta’ din it-traduzzjoni bil-malti ma kellha bl’ ebda mod iddewwem id-dibattiti rigward id-dokument tal-kapitlu li kellu jibda mmediatament f’dawk il-fraternitajiet li ma kellhomx diffikultajiet rigward il-lingwa.
10. iI-fraternitajiet gew mhegga biex jibdew dan l-ezercizzju minghajr ebda dewmien u avzati li laqgha ohra ghall-ufficjali tal-Fraternitajiet Lokali kienet se ssir biex jigu diskussi r-rizultati fuq it-tema tal-Kapitlu Generali. Il-Kunsill Nazzjonali kellhu jiddeciedi d-data u javza l-fraternitajiet.
Fr. Godfrey qara l-ittra ppreparata mill-Ministru Nazzjonali li wera s-soghba li ma setax jattendi ghall-din il-laqgha u sahaq fuq il-punti msemmijja hawn fuq u sahhahom b’siltiet mill-kostituzzjonijiet. Din l-ittra kellha tinqara fil-bidu tal-laqgha imma nqrat issa minhabba li waslet ftit tard. Madakollhu moqrija issa kellha effett li tikkonferma u tissigilla dak li kien sar qbil fuqu hawn fuq. Fil-fatt xi fraternitajiet adjustaw il-hlasijiet taghhom mal-ekonoma, kif gie miftiehem, dak il-hin. Ms. Franca Zammit kellha taghti dettalji ta’ l-adjustamenti aktar tard.
Il-laqgha ntemmet b’talba mill-Vici Ministru u bl’ghoti tal-barka minn Fr. Godfrey - Assistant Spiritwali

Traduzzjoni tad-Dokument rigward il-Kapitlu Generali tal-Ordni

DOKUMENT TA’ PREPARAZZJONI
BIEX JINTGĦAŻLU L-ARGUMENTI LI GĦANDHOM JIĠU DISKUSSI FIL-KAPITLU TA’ NOVEMBRU 2008

IL-PROFESSJONI TAL-FRANĠISKANI SEKULARI
U KEMM IĦOSSUHOM PARTI MILL-ORDNI
Introduzzjoni

X’inhu l-Ordni Franġiskan Sekular? X’post għandu fil-Knisja?
Min hu l-Franġiskan Sekular? X’jagħmel fil-ħajja tiegħu / tagħha?
X’inhi l-Identità l-aktar importanti ta’ membru ta’ l-OFS fil-Knisja u fil-familja Franġiskana?
Il-Franġiskani Sekulari u l-Ordni kollu, kif jixtiequ jidhru fid-Dinja u x’inhuwa r-rwol tagħhom fiha?

Dawn it-tlett mistoqsijiet importanti mhux biss jagħmluhomlna spiss nies oħra, iżda nistaqsuhom ukoll lilna nfusna u ir-risposta li nagħtu ser titfa’ dawl fuq “Min Aħna” u wara “X’nagħmlu”.

Matul kważi 800 sena mit-twaqqif tagħna, għal aktar minn 500 sena (Sa l-1978 u anki wara), l-Istorja ta’ l-Ordni kienet tispikka l-ħajja “ikkakkmata”, minħabba l-fatt li l-Ordni prattikament qatt ma seta jafferma lilu nnifsu u jieħu r-responsabbiltajiet tiegħu bħala Ordni. Infatti l-Ordni qatt ma tħalla “jikteb l-Istorja tiegħu innifsu”, biex jagħti l-kontribut tiegħu bħala Ordni u jassumi, bħala Ordni sħiħ, ir-rwol providenzjali li huwa tiegħu, fil-kuntest tal-Familja Franġiskana, biex jaqdi l-missjoni mogħtija minn Alla lil Franġisku għalina, għall-ġid tal-Knisja ta’ kull żmien.

Illum din hija ħaġa li saret possibbli u ħafna jiddependi minna.

Il-Knisja, fid-dawl tat-tagħlim tal-Konċilju Vatikan II, irriflettiet b’mod providenzjali, dwar l-eżistenza tagħna u irrikonoxxiet l-għaqda u l-awtonomija ta’ l-Ordni tagħna fi struttura dinjija ċentralizzata. L-istorja tagħna urietna kif dawn l-elementi, li kienu diġà jeżistu mill-bidu, kienu essenzjali biex jitwettaq għal kollox il-proġett li Alla reħa f’idejn Franġisku għalina, għall-ġid tal-Knisja taż-żminijiet kollha.

Imma aħna verament lesti għal dan?

Sa liema punt u kif immatura ġewwa fina s-sens li aħna nagħmlu parti minn “Ordni”?

Kemm huma verament konxji fil-prattika l-Franġiskani Sekulari individwali li jappartjenu għal Ordni veru, għal Ordni li fl-aħħar, wara 8 sekli għandu struttura magħquda u ċentralizzata?

“…, Franġisku waqqaf Ordni Veru, dak tat-Terzjarji, li mhux marbut bil-voti reliġjużi, bħal-Ewwel u t-Tieni Ordni, iżda bl-istess mod jgħix is-sempliċità tal-ħajja u l-ispirtu ta’ penitenza. Għalhekk, kien hu l-ewwel li ġie mnebbaħ u wettaq, bl-għajnuna t’Alla, dak li ebda fundatur ta’ Ordnijiet Reliġjużi qablu ma rnexxielu jagħmel, li l-ħajja reliġjuża tkun aċċessibbli u mgħixa minn kulħadd.” (Papa Benedittu XV, Enċiklika Sacra Propediem” 6 ta’ Ġunju, 1921)

“Intom Ordni, Ordni Lajk, imma Ordni Veru. Ordo veri nominis, kif il-predeċessuri tagħna u ta’ memorja qaddisa, Benedittu XV (Sacra Propediem” 6 ta’ Ġunju, 1921) sejjħilha. M’intomx, ovvjament, għaqda ta’ nies perfetti; imma għandkom tkunu skola ta’ perfezzjoni nisranija. Mingħajr din il-volontà soda wieħed ma jistax ikun membru ta’ din l-armata glorjuża u magħżula.” (Papa Piju XII, 1 ta’ Lilju, 1956, Diskors lit-Terzjarji ġewwa Ruma)

“… Intom ukoll “Ordni,” kif qal Papa Piju XII: Ordni Lajk, iżda Ordni Veru;” u wara kollox, Benedittu XV kien diġà tkellem dwar “Ordo veri nominis”. Dan l-isem antik – nistgħu ngħidulu medjevali – “Ordni” ma jfisser xejn ħlief li intom imseħbin b’mod intimu fil-familja kbira Franġiskana. Il-Kelma “Ordni” tfisser il-parteċipazzjoni fid-dixxiplina u l-awsterità ta’ dik l-ispiritwalità, filwaqt li tibqgħu fl-awtonomija karatteristika tagħkom tal-kondizzjoni lajka u sekulari, li ħafna drabi titlob sagrifiċċji li xejn m’huma anqas minn dawk li jiltaqgħu magħhom ir-reliġjużi u s-saċerdoti.” (Papa Ġwanni Pawli II, 14 ta’ Ġunju, 1988, Kapitlu Ġenerali ta’ l-OFS)

Kien b’dan il-mod, fi żminijet reċenti, li tlett Papiet ta’ statura kbira u awtorità spiritwali tkellmu dwar l-Ordni Franġiskan Sekular tagħna!

AĦNA ORDNI, ORDNI LAJK, IŻDA ORDNI VERU. ORDO VERI NOMINIS!

Hija ħaġa sorprendenti kif matul is-sekli l-Ordni dejjem ġie msejjaħ “wieħed”, anki meta l-Ordni ma kienx jeżisti bħala entità awtonoma u bi struttura. Mill-1472 sa l-1978 l-Ordni għex fi stat ta’ inferjorità sostanzjali, ta’ diviżjoni u fil-prattika, iddominat. Fir-realtà kienu jeżistu biss Fraternitajiet lokali li kienu, prattikament, “megħmużin” ma’ l-Ordni reliġjuż li kien jieħu ħsiebhom.
Minkejja dan, qatt ma naqset il-kuxjenza li l-Ordni huwa ħaġa waħda u li jaħdem b’mod uniku u unanimu, la fil-kuxjenza tat-“terzjarji” individwali, u lanqas f’dik tal-Knisja.

L-għatx għall-għaqda u awtonomija twieled ma’ l-istess moviment lajk penitenzjali ta’ San Franġisk u għal dawk li jafu l-istorja ta’ l-OFS, huwa magħruf sew kemm, minflok, dawn l-aspirazzjonijiet kienu mxekklin sa mill-bidunett.

Aħna, il-Franġiskani Sekulari tal-lum, nistgħu ngħidu sewwa li aħna pprivileġġjati: aħna protagonisti ta’ epoka storika li fiha l-ħolma tal-predeċessuri tagħna ssir realtà. Huwa assolutament neċessarju li dan nirrealizzawh u li nidħlu fir-rwol tagħna b’mod responsabbli u b’sens ta’ l-istorja tagħna.

l-OFS huwa kreatura fraġli. L-Ordni għandu bżonn jikkonsolida, irid joħloq strutturi ġodda u metodi ġodda u oriġinali ta’ kif naħdmu biex l-Ordni jiffaċċja l-isfidi li d-dinja tippreżentalna, kemm dawk interni (ġewwa l-Ordni), kif ukoll dawk li jiġu minn barra (l-Ordni), biex ikun jista’ jiżviluppa ir-rwol tiegħu b’mod effettiv fit-tielet millenju ta’ l-Istorja Nisranija.

l-isfidi huma mmensi

Huwa neċessarju li “nivvintaw”, “noħolqu” mod ta’ kif ngħixu u norganizzaw ruħna li jikkorrispondi ma’ dak li jitlob Ordni sekulari, li jikkonsisti l-aktar minn nies li huma kompletament impenjati fid-dinja u fl-attivitajiet ordinarji tal-familja, xogħol u s-soċjetà.

Se jkun neċessarju wkoll li naħdmu b’koordinazzjoni effikaċi u b’komunikazzjoni mill-qrib bejn il-partijiet kollha ta’ l-Ordni, mingħajr ma nitilfu r-realtà li nkunu kullimkien, indaqs u differenti fl-istess ħin, li nesprimu il-kariżma komuni fis-sitwazzjonijiet varji u kumplessi tad-dinja tal-lum, b’dik il-kapaċità li nadattaw irwieħna u dik il-ħeġġa kariżmatika u dejjiema li bihom biss inkunu nistgħu nidħlu fil-ħajja vitali tad-dinja.

l-isfidi jistgħu jiġu megħluba, iżda jistgħu ukoll jintilfu u r-riżultati m’humiex ċerti.

Struttura Ċentralizzata

L-istruttura ċentralizzata kienet, u għadha, neċessarja għall-iskop li tippermetti lill-Ordni li jokkupa l-post li jixraqlu fil-Familja Franġiskana u fil-Knisja u li tkun espressjoni effettiva tal-kariżma Franġiskana fid-dinja sekulari.

In-Novitas (Novità) ta’ Franġisku hija mfissra b’missjoni li għandha bħala spazju tagħha d-dinja kollha u l-istess Papa kkonferma din il-missjoni lilna wkoll sa mill-bidu nett ta’ l-Ordni.

Aħna ngħoddu ma’ l-430,000 professi, li, flimkien ma’ aktar minn 150,000 reliġjużi Franġiskani, rġiel u nisa, għandna d-dmir li nwettqu fiż-żmien u fl-istorja din il-missjoni li l-Kurċifiss ta’ San Damjan ta lil San Franġisk.

Aħna nkunu nistgħu inwettqu dan kollu billi niżviluppaw, ngħixu u nħallu jikber ġewwa fina, f’kull rokna tad-dinja, Sens profond ta’ Appartenenza (li nħossuna li nagħmlu parti mill-familja) u nkunu konxji b’mod ħaj tal-Grazzja tal-Professjoni li għamlitna Franġiskani, li twassal il-vokazzjoni tal-Magħmudija għall-milja tagħha u tgħaqqadna mal-Ġisem ta’ l-Ordni Franġiskan Sekular u l-Familja Franġiskana kollha.

Professjoni u Sens ta’ Appartenenza

Professjoni u Sens ta’ Appartenenza huma żewġ elementi fondamentali u li għandhom ikunu flimkien biex naqdu l-missjoni tagħna. Mingħajrhom l-Ordni ma jeżistix u ma jistax jeżisti.

Kemm aħna verament konxji tal-fatt li l-Professjoni daħħlitna fi stat ta’ membri “Professi”, li tatna il-karattru Franġiskan u li introduċietna b’rabta ħajja u li ma tistax tinħall fil-ġisem ta’ l-Ordni Franġiskan Sekular?

Kemm aħna konxji li dan is-sens ta’ Appartenenza, li aħna nagħmlu parti mill-istess ġisem (ta’ l-Ordni), huwa ħafna iktar importanti minn kull apprtenenza oħra bħal ma huma n-nazzjon, il-lingwa, klassijiet soċjali u kulturi biex jagħmluna ġisem wieħed li ma jistax jiġi megħlub, biex jiġi mxandar l-Evanġelju u tiġi restawrata l-Knisja ta’ Kristu u d-dinja mifdija tiġi mogħtija lura lil Alla l-Missier?

Il-Kapitlu Ġenerali

Dawn iż-żewġ elementi fondamentali tal-ħajja tagħna (Professjoni u Appartenenza) huma t-temi għall-Kapitlu Ġenerali li jmiss.

Huwa essenzjali li l-Fraternitajiet Nazzjonali jirriflettu fuq dawn iż-żewġ aspetti sabiex il-konferenzi li sejrin isiru fil-kapitlu mill-kelliema fuq dawn it-temi ma jispiċċawx b’silenzju imbarazzanti ta’ dawk li jattendu il-Kapitlu għax ma jkunux ippreparati.

Il-Kunsillieri Internazzjonali

Huwa għalhekk essenzjali li l-Kunsillieri Internazzjonali kollha jiġu għall-Kapitlu ippreparati tajjeb biex ikunu interpreti fidili ta’ l-esperjenzi u r-riflessjonijiet li jkunu nġabru mid-diskussjonijiet li għandhom isiru isiru f’kull pajjiż biex din ir-riflessjoni fondamentali tal-Kapitlu tkun tista’ ssir mument awtentiku ta’ grazzja, ta’ kairos, ta’ riżoluzzjonijiet qaddisa li jagħmlu l-Ordni b’saħħtu u mimli ħajja, ilkoll flimkien bħala Ordni u mhux iżjed bħala sempliċi individwi impenjati.

Għal din ir-raġuni, nirakkomandaw bil-qawwa kollha, li f’kull Fraternità Nazzjonali, kemm dawk diġà mwaqqfin kif ukoll dawk li għadhom jiġu ffurmati, jiġu organizzati mumenti ta’ riflessjoni serja biex jiġu diskussi dawn it-temi. Il-materjal għad diskussjoni huwa dak offrut f’dan id-dokument.

Id-Diretturi tal-Formazzjoni

Id-Diretturi tal-Formazzjoni ta’ kull livell għandhom ir-responsabbiltà li japprofondixxu flimkien ma’ ħuthom kollha n-natura tal-Professjoni, l-effetti li għandha li ssieħeb il-membru fl-Ordni, u l-obbligi u dmirijiet li din is-sħubija u appartenenza ġġib magħha.

Il-frott ta’ dan ix-xogħol għandu jiġi miġbur u mibgħut lill Kunsillier Internazzjonali biex il-Kapitlu, permezz ta’ dawk li ser jagħmlu l-Konferenzi, ikollu stimoli, dettalji, proġetti u impenji li jippermettu lill-Ordni, u lilna lkoll, jikber, kemm individwalment kif ukoll kolettivament, biex jieħu b’kull responsabbiltà fuq spallejh ir-rwol tiegħu fil-Knisja u fid-Dinja.

Konklużjoni

Nistennew minn għand kull wieħed u waħda minnkom risposta għal din l-ittra biex inkunu nafu l-inizjattivi li kull Fraternità Nazzjonali, kemm dawk diġà mwaqqfin kif ukoll dawk li għadhom jiġu ffurmati, tixtieq torganizza fil-futur.

Ser noffru, bħala eżempju u mudell biss, dawn il-mistoqsijiet bħala linji oħra ta’ diskussjoni u riflessjoni, bil-fehma li għandkom il-libertà kollha li tiżviluppaw dan ix-xogħol kif jidhrilkom.

1. Kemm tagħtih importanza essenzjali l-fatt li inti membru ta’ l-Ordni Franġiskan Sekular? Il-ħajja tiegħek fil-fraternità tikkonsisti biss f’laqgħa oħra fost l-oħrajn?
2. X’tista’ tagħmel biex tkun aktar involut fil-ħajja intima ta’ L-OFS?
3. Il-Professsjoni, minn-natura tagħha, hija mpenn permanenti. Tgħixa b’dan il-mod?
4. Fl-opinjoni tiegħek, għaliex il-Fraternità lokali hija daqshekk importanti fil-ħajja ta’ l-OFS? Il-Fraterntià tiegħek, kemm qiegħda tagħtik għajnuna biex inti twettaq dak li titlob mingħandek il-Professjoni?
5. Tgħinek l-Fraternità tiegħek biex tibqa’ fidil għall-Professjoni tiegħek u tagħtik Sens ta’ Appartenenza? Inti personalment, kemm tagħmel sforz biex tgħin lill-aħwa tal-Fraternità tiegħek sabiex jilħqu huma wkoll dawn l-għanijiet?
6. Għaliex ridt tidħol fl-OFS? X’kontribut qiegħed tagħti lill-OFS bil-Professjoni u l-preżenza tiegħek?
7. Fl-opinjoni tiegħek, xi rwol kellha r-Regola ġdida fit-tibdil li sar f’li wieħed “iħoss” il-preżenza tal-Ordni u li “jaħmel parti” minnu?
8. Temmen li s-Sens ta’ Appartenenza li inti tgħix illum jikkorrispondi b’mod ġenwin ma’ dak li l-Ordni huwa verament, kemm fin-“natura” kif ukoll il-Missjoni tiegħu? Jew iktar tikkorrispondi ma’ xi ħaġa oħra li kellha postha fil-passat jew kunċett tiegħek personali ta’ l-Ordni?

Jekk taħseb li m’hemmx biżżejjed Sens ta’ Appartenenza fl-Ordni, x’taħseb li hija l-kawża ta’ dan?

1. Nuqqas ta’ formazzjoni?
2. Nuqqas ta’ komunikazzjoni?
3. Nuqqas ta’ kontribut u sharing?
4. Xi ħaġa oħra?

-------------------------------------------

Talba ghall-Kapitlu Generali tal-Ordni Frangiskan Sekular

L-Aktar Għoli u Glorjus Alla, aħna Nfahhruk għall-preżenza Tiegħek fid-dinja u għad-don prezzjus tal-vokazzjoni Franġiskana.
Aħna Nitolbuk tnebbaħ kull ħuna u oħtna ta’ l-Ordni Franġiskan Sekular hekk kif qed inħejju għall-Kapitlu Ġenerali fl-Ungerija.
Għati l-għerf meħtieġ il-ħutna li se jieħdu sehem fil-Kapitlu biex joħorġu l-prioritajiet tal-Ordni għas-sitt snin li ġejjin u jaħtru l-dawk li Int trid li jmexxuna u janimawna.
Mexxina u dderigina biex nimxu fuq l-Vanġelu u r-Regola tagħna aktar mill-qrib, ha nkunu ħaddiema Miegħek fil-bini mill-ġdid tal-Knisja u d-Dinja.
Nitolbuk dan f’isem Kristu Sidna u bl-interċessjoni tal-Imbierka Verġni Maria, San Franġisk, Santa Kjara u l-qaddisin patruni tagħna Santa Eliżabetta u San Luigi
Amen.

Din it-talba mahruga mill-Presidenza Ciofs ghandha tinghad f'kull laqgha tal-Fraternitajiet taghna kollha skond direttivi mahruga mill-Presidenza Ciofs

Kristu Rxoxta. Kisser il-hakma tal-mewt. Halleluljah

The Passion of the Christ - Via Dolorosa (Sandi Patti)

Battle at Kruger

Minn-Natura:- Ezempju ta' perseveranza, mhabba u sens ta' kommunita li jerbah u jsalva

Rtir tal-Avvent fil-Fraternita tal-Kalkara

Dolce Sentire

Ghada l-Belt l-1 ta' Marzu, fil-Kunvent ta' San Frangisk fl-4.00p.m. imiss tahdita mis-serje ta' tahdidiet interessanti ta' formazzjoni ghal dawk li mexjin biex jidhlu fl-Ordni. Dawn it-tahdidiet informativi u nteressanti huma miftuha ghal membri kollha li jixtiequ jattendu. Il-kelliemi se jkun Patri Charles Baldacchino OFM Conv. u it-tema hi "SAN FRANGISK U L-FERH EVANGELIKU".

Nheggu l-kulhadd jattendi.

Adorazzjoni fic-CAK

Il-Kunsill Nazzjonali ltaqa illum fil-Kapella ta' Santa Chiara fic-Centru CAK ghal Adorazzjoni. Id-Direttur Spiritwali Fr. Godfrey Zarb irrifletta l-hsieb u t-talb ta' kulhadd b'talba biex il-fraternitajiet kollha johorgu minn dan ir-Randan msahha u aktar impenjati fl-attivita li kull wahda minnhom taghmel.

J'Alla din tkun it-talba u l-ispirtu ta' kull Fraternita f'dan ir-Randan.

RTIR TAR-RANDAN 2008

Il-Fraternita tal-Kalkara organizzat rtir ta' nofs ta'nhar ghar-Randan illum il-Hadd 24 ta' Frar. Ghall-irtir, li l-Kunsill Nazzjonali approvah bhala Nazzjonali, attendew il-Fraternitajiet ta' B'kara, San Gwann, Maria Regina, Floriana u Ghajn Dwieli.

Rtir beda bit-talb tas-Salmi u wara Quddiesa iccelebrata minn Fr. Hayden, Direttur Spiritwali tal-Fraternita tal-Kalkara.

Wara break ghall-café u momenti ta fraternita bejn il-membri tad-diversi fraternitajiet migbura, l-Irtir komlpa b'tahdita mghotija minn Patri Lawrenz Ofm cap. Direttur Spiritwali tal-Fraternita ta' Ghajn Dwieli.

Patri Lawrenz sahaq fuq il-kliem ta' Kristu "ichad lilek innifsek, erfgha salibek u imxi warajja" u l-aktar fuq l-importanza li wiehed imut ghalih innifsu. Id-diversi formi ta' sawm jew cahdiet li wiehed jaghmel matul ir-randan ghandhom skop wiehed, li jghinu l-wiehed inaddaf ruhu mid-dnubiet u n-nuqqasijiet biex jimxi aktar lejn dak l-istat perfett li Alla jridna fih.
l-irtir spicca bi ftit minuti ta' Adorazzjoni, kant ta' inni Eukaristici u Barka Sagramentali.
Hajr il-Fraternita tal-Kalkara tal-organizzazjoni u l-istedina mahrug lill-Fraternitajiet kollha, kif ukoll lil Fraternitajiet li ghogobhom jippartecipaw. Hajr ukoll lill-Ministru Nazzjonali tal-prezenza tieghu flimkien mal-fraternita li turi l-ghaqda bejn is-sekulari Frangiskani Sekulari.

Il-Fraternita t'Ghawdex tghalaq 120 Sena

Nhar il-Hadd, 17 ta` Frar, 2008. Il-fraternita`ta Ghawdex iccelebrat il-120 anniversarju mit-twaqqif taghha. Il-membri tal-fraternita` hadu sehem f’quddiesa tad-9.00 mqaddsa mid-Direttur Spiritwali tal-Fraternita Patri Godfrey Zarb. Tkompliet il-laqgha b`konferenza li fiha ha ukoll sehem Godwin Vella Clark, Ministru Nazzjonali, li anki indirizza lil dawk prezenti fl-ahhar tal-Quddiesa.

F`din l-okkazzjoni ghamlu l-vestizzjoni erba` membri godda tal-fraternita` li huma Helen Micallef, Antonia Portelli, Toni Abela u Frank Portelli, ilkoll minn Victoria. Dawn issa bdew il-preparazzjoni taghhom li twassalhom ghall-professjoni fl-OFS.
Ta min jinnota li fir-ritratti id-Direttur tal-Formazzjoni jidher jghati l-kull membru gdid l-Vangelu u r-Regola li huwa l-ghodda primarji - l-aktar mehtiega – li kull Frangiskan Sekular irid jimxi fuqhom.



Awguri Sbieh lill-Fraternita t’Ghawdex u lill-membri godda. J’Alla tkompli taghmel progress il-quddiem li ghamlet f’dawn l-ahhar snin.

Tribute to St. Paul

Pope John Paul II: Do not let your hearts be troubled

Messsage to all Secular Franciscans